IMB Орталығы Ұлттық зияткерлік меншік институтының дөңгелек үстеліне қатысты
![IMB Орталығы Ұлттық зияткерлік меншік институтының дөңгелек үстеліне қатысты](/img/news/17053717e0dc3a7f694391904df71ab26728a5mv2.jpeg)
2022 жылғы 9 қыркүйекте IMB Орталығы "Инновацияларды құру, оларды қорғаудың және одан әрі дамытудың өзекті мәселелері" тақырыбында өткізілген Ұлттық зияткерлік меншік институтының (Qazpatent) дөңгелек үстеліне қатысты. Іс-шара гибридті форматта өтті, оған Қазақстан Республикасының Әділет вице-министрі Ақерке Ахметова, Qazpatent, Ғылым қорының, "QazTrade" сауда саясатын дамыту орталығы" АҚ, "QazIndustry" Қазақстандық индустрия және экспорт орталығы" АҚ, ғылыми-технологиялық бастамалар орталығының, Назарбаев Университетінің өкілдері, мұнай-газ машина жасау өндірушілері, сондай-ақ ғалымдар, өнертапқыштар қатысты.
Дөңгелек үстел барысында IMB Орталығының Бас директоры Марат Кәрімов Орталықтың негізгі қызметімен таныстырып өтті, сонымен қатар 4.0 Индустриясын мұнай-газ машина жасау өнеркәсібіне енгізу жағдайы туралы айтты.
Сондай-ақ, дөңгелек үстел аясында Qazpatent қызметі, отандық экспорттаушыларды мемлекеттік қолдау және өнеркәсіпті ынталандыру шаралары, ғылыми және ғылыми-техникалық қызмет нәтижелерін коммерцияландыру саласындағы мемлекеттік саясат, техникалық шешімдерді патенттеу, ғылым мен бизнесті интеграциялау, зияткерлік меншік объектілерін коммерцияландыру, ғылыми-зерттеу және тәжірибелік-конструкторлық жұмыстар арқылы компанияларды дамыту мәселелері талқыланды.
Басқа жаңалықтар
![IMB Орталығы және Эр Ликид Мунай Тех Газы өзара ынтамақтастық туралы меморандумға қол қойды](/img/news/thumbs/4ccbf01b0c1fc732ef6d780a1da96728.img_7069.jpg)
![IMB Орталығы Мұнай-газ машина жасау саласының дамуына арналған Форум өткізді](/img/news/thumbs/b4693c17f586e921beece1c7efbad42d.jpg)
![ҚР Энергетика министрлігі мен ірі мұнай-газ операторларының елішілік құндылықты дамыту жөніндегі бірлескен жұмысы шеңберінде қазақстандық компаниялармен келісімшарттарға қол қойылды.](/img/news/thumbs/137f74adb5d727cd996a9c36271a685f.tas_0961.jpg)