IMB Орталығымен бірлескен жұмыс нәтижесінде «Қазэнергокабель» АҚ ХЭК (IEC) Қазақстанда бірінші болып халықаралық сертификаттарын алды

IMB Орталығымен ынтымақтастықтың арқасында «Қазэнергокабель» АҚ Қазақстандағы кабель-өткізгіш өнімдерін өндірушілер арасында Халықаралық электротехникалық комиссияның (IEC) сертификатын бірінші болып алған отандық компания.

Халықаралық электротехникалық комиссия (IEC) – халықаралық электрикалық, электроникалық және шектес технологияларды стандарттау мекемесі.

«Отандық өндірісті дамыту жөніндегі IMB Орталығының жүргізіп жатқан жұмысы бойынша «Қазэнергокабель» АҚ үшін әлеуетті дамытудың жеке жоспары (Capacity Development Plan) әзірленді, онда бар олқылықтарды жою бойынша ұсынымдар бар, сонымен қатар IMB Орталығы халықаралық стандарттар сертификаттарын алуда техникалық және сараптамалық қолдау көрсетті» – деп IMB Орталығының Бас директоры Дастан Әбішев атап өтті.

Сонымен қатар қосымша атап өтті: «Бүгінгі таңда осындай халықаралық сертификаттарды алу қазақстандық өндірушінің әлеуетін едәуір кеңейтуге және жаңа экспорттық мүмкіндіктерді ашуға мүмкіндік береді, бұл олардың әлемдік нарықтағы бәсекеге қабілеттілігін айтарлықтай арттырады».

Сондай-ақ, Операторлардың бірі осы өндірушіге кабельдік өнімді жеткізуге толыққанды келісімшарт бергенін атап өткен жөн.

Бұл іс-шара өндірушілердің, IMB Орталығының және үш ірі Оператордың бірлескен жұмысының оң мысалы болып табылады.