IMB Орталығы Парламент Мәжілісінің отырысында отандық өндірісті дамыту мәселелері бойынша сөз сөйледі.
2025 жылғы 13 ақпанда Парламент Мәжілісінің қабырғасында Парламент, ҚазМұнайГаз ҰҚ, түрлі қауымдастықтар мен отандық өндірушілер өкілдерінің қатысуымен өнімді бөлу туралы келісімдерді іске асыру мәселелері жөніндегі жұмыс тобының отырысы өтті.
Отырыс барысында жергілікті қамтуды дамыту және отандық мұнай-газ жабдықтарын өндірушілерді, сондай-ақ «Қарашығанақ Петролеум Оперейтинг Б.В.» (КПО) жұмыстарын (қызметтерін) жеткізушілерді қолдау мәселелері қаралды.
Іс-шара барысында Энергетика Вице-министрі Құдайберген Арымбек, КПО Бас директоры Марко Марсили және IMB Орталығының Бас директоры Дастан Әбішев бірлескен жұмыс туралы сөз сөйледі. Өз сөзінде Дастан Әбішев Орталықтың қызметі мен нәтижелері туралы егжей-тегжейлі айтып берді, оның ішінде Орталықтың тауар топтары бойынша жүргізген талдауын ұсынды.
Бұл отырыс мұнай-газ секторының ірі жер қойнауын пайдаланушыларын сатып алуда қазақстандық қамтуды дамыту және отандық тауар өндірушілерді, сондай-ақ жұмыстарды (қызметтерді) жеткізушілерді қолдау жөніндегі Парламент Мәжілісі мен Үкімет жұмысындағы кезекті қадам болды.
Басқа жаңалықтар
