IMBC делегациясы мұнай-газ машина жасау саласын дамыту аясында Қарағанды облысының зауыттарына барды

2025 жылғы 12 маусымда Мұнай-газ машина жасау саласын дамытуға арналған халықаралық орталығының (IMBC) делегациясы Қазақстан Республикасы Парламенті Мәжілісінің Экология және табиғатты пайдалану мәселелері комитетінің төрағасы Еділ Жаңбыршин, Қарағанды облысының әкімі Ермағанбет Бөлекпаев және North Caspian Operating Company N.V. (NCOC) компаниясының басқарушы директоры Джанкарло Рую бірге Қарағанды облысына жұмыс сапарымен барды.

Сапардың мақсаты — өңірдің өндірістік әлеуетімен танысу, сондай-ақ мұнай-газ машина жасау саласындағы мемлекеттік органдар мен өндірушілер арасындағы ынтымақтастықты дамыту.

Сапар аясында Қарағанды облысының әкімі Ермағанбет Бөлекпаевтың төрағалығымен өңірдің жетекші өнеркәсіп кәсіпорындары өкілдерінің қатысуымен дөңгелек үстел өтті. Онда мұнай-газ жобаларындағы жергілікті өндірісті оқшаулау және қазақстандық қамту үлесін арттыру перспективалары талқыланды.

Талқылаудан кейін делегация мүшелері Қарағанды облысының жетекші кәсіпорындары — «Казфиттингпласт» ЖШС, «Имсталькон» ЖШС, «Бёмер Арматура» ЖШС, «Изоплюс Центральная Азия» ЖШС, «Seven Refractories Asia» ЖШС және «Мэйкер» ЖШС-не барды. Қонақтар өндіріс технологияларымен, өнімдерімен және кәсіпорындардың әлеуетімен танысты.

IMBC бас директоры Дастан Әбішев: "Қарағанды облысы елеулі өндірістік әлеуетке ие және біз оның кәсіпорындарын мұнай-газ саласының жеткізу тізбегіне кіріктіруге нақты мүмкіндік бар деп санаймыз. Мұндай сапарлар тәжірибе алмасуға ғана емес, сонымен қатар өңірлер мен жаһандық операторлар арасындағы тұрақты өндірістік байланыстарды орнатуға ықпал етеді," — деп атап өтті.

Қарағанды облысына сапар елдің өнеркәсіптік секторын дамыту мақсатында мемлекет, бизнес және халықаралық операторлар арасындағы серіктестікті нығайту жолындағы келесі қадам болды.