Қазақстан Республикасы Президенті Қасым-Жомарт Тоқаевтың АҚШ-қа сапары аясында IMBC және Chemelex LLC компаниялары Меморандумға қол қойды
Қазақстан Республикасы Президенті Қасым-Жомарт Тоқаевтың АҚШ-қа сапары барысында, IMBC ресми делегация құрамына кірген, Chemelex LLC (АҚШ) және Мұнай-газ машина жасау саласын дамытуға арналған халықаралық орталығы (IMBC) арасында Өзара түсіністік туралы Меморандумға қол қою рәсімі өтті.
Меморандумға қол қоюдың ресми салтанаты «Орталық Азия – АҚШ» саммиті аясында өтті. Қол қойылған Меморандум Қазақстан аумағында өздігінен реттелетін жылыту кабельдерінің өндірісін жергіліктендіруге бағытталған және ол мұнай-газ, тау-кен-металлургия салаларының, сондай-ақ өнеркәсіптік және инфрақұрылымдық нысандардың қажеттіліктерін қамтамасыз етуге арналмақ. Жобаны іске асыру импортқа тәуелділікті азайтуға, ірі жобалардағы қазақстандық қамту үлесін арттыруға және елге технология трансферін қамтамасыз етуге мүмкіндік береді.
Меморандумның жүзеге асырылуы жаңа жұмыс орындарын ашуға және қазақстандық компанияларды өндірістік тізбектерге тартуға ықпал етеді. Жоба ұлттық индустриялық базаны нығайтуға және машина жасаудың жоғары технологиялық сегментін дамытуға елеулі үлес қосады.
Меморандумға қол қою Мемлекет басшысының АҚШ-қа сапары қорытындысы бойынша қол жеткізілген кең ауқымды келісімдердің бір бөлігі болды. Сапар барысында Қазақстан мен АҚШ арасында жалпы құны шамамен 17 млрд АҚШ долларын құрайтын өнеркәсіп, энергетика, цифрландыру, білім беру және инновациялар салаларын қамтитын 29 екіжақты құжатқа қол қойылды.
Chemelex LLC - электрлік жылу және сенсорлық шешімдерді (өздігінен реттелетін жылыту кабельдері) әзірлейтін және жеткізетін жаһандық компания. Chemelex өз өнімдерін ТШО, КПО және NCOC сияқты ірі мұнай-газ операторларына және басқа да клиенттерге жеткізуде тәжірибеге ие.
